Internet Kya Hai? Puri Jankari

Aaj hum baat karne waale hain ‘Internet’ ke bare mein, jisse ki aajkal har ek person bahot acche se waakif hai. Internet ke bina aajkal koi bhi kaam ho paana difficult hai. Balki ek tarha se dekha jaaye to hum sabhi aaj har kaam ke liye Internet par depend ho gaye hain. Internet ne humari society ka life-style hi change karke rakh diya hai. Aaj main isi topic ko aap sabke samne bahot hi easy language mein lekar aayi hun, jisse ki aap ise acche se samajh sake, ise jaan sake ki Internet kya hai? Iska use kaha-kaha hota hai? iske advantages & disadvantages kya hain?

What is Internet?:- 

Internet ka full form “Interconnected Computer Networks” hai. Internet ko “Network of Networks” bhi kahte hain, matlab ye chote-chote network se milkar bana ek bahot bada network hai, jiski help se world ke sabhi computers aur mobiles ek dusre se connect rahte hain aur common people ko aapas mein baat-cheet (communicate) karne ki facility provide karte hain.

Internet ek dusre se jude kayi computers ka jaal hai, jo Router aur Server ke medium se world ke kisi bhi computer ko aapas mein connect karta hai. Balki easy language mein hum ye kah sakte hain ki jab information ko ek computer se dusre computer mein send aur receive karne ke liye TCP/IP Protocol ke medium se jo relation create kiya jaata hai us relation ko ‘Internet’ kahte hain.

Internet ek aisa source hai jiska use karke koi bhi person kisi dusre person ko chaahe wo kitne hi meelo dur kyon na ho usse easily baat-cheet kar sakta hai aur use Email, Videos, Images aur koi bhi file easily send ya receive kar sakta hai.

Internet ko pahle ARPANET ke naam se jana jaata tha, jiska invention 1969 century mein California  ke Lionard Kleinrock ne kiya tha.

• Computer Network Kya Hai

• Data Communication Kya Hai

Use of Internet:-  

Aajkal Internet ka use har field mein ho raha hai, bina Internet ke koi bhi kaam hona ab mushkil hi lagta hai. Internet ka use zyadatar in kaamo mein hota hai—

1. Communication: 

Internet ka sabse zyada use communication ke liye hi hota hai. Internet ke through hum kisi bhi person se kabhi bhi baat kar sakte hain, chaahe wo world ke kisi bhi kone mein kyon na ho. E.g:- Video call, chat, email etc. Internet ke medium se hi possible ho paaya hai. Internet ke through hi hum naye-naye friends bana sakte hain, kisi bhi file ko immediately transfer kar sakte hain etc.

2. For Searching Information:

Jab bhi humare mind mein koi question hota hai, to hum uska answer apne elders aur friends se maangte hain agar unke paas bhi humare question ka answer nahi hota to hum Internet ka use karte hain. Internet par bahot saare aise search engine hote hain, jinke paas humare saare questions ke answers hote hain. Aajkal sabse zyada use hone waala search engine ‘Google Chrome’ hai.

3. Education: 

Education ki field mein Internet bahot hi useful hai. Internet ka use karke online study kar sakte hain, jo ki YouTube ke through possible hai. Youtube par bahot saare aise channels hain, jinpar teachers free classes chalate hain, ye sach mein bahot hi useful hai, maine to aise channels se bahot study ki hai aur ye mere bahot kaam bhi aya hai, lekin main apko suggest karungi ki YouTube ka use bhi aap ek limitation mein hi karein, jisse ki aapki ankhon par bad effect na pade. Iske alawa bahot saari aisi education websites hain, jo bahot se education material free provide karti hain. Internet ke through hi hum apni college website se college se related koi bhi information easily le sakte hain.

4. Entertainment: 

Entertainment ke field mein Internet ka bahot zyada use hota hai. Internet ki help se hum koi bhi Video, Audio, Movie easily dekh sakte hain aur use download bhi kar sakte hain. Iske alawa hum online game bhi khel sakte hain aur online book bhi padh sakte hain, jise E-Book kaha jata hai.

5. Shopping: 

Internet ke through aaj hum ghar baithe online shopping kar sakte hain, jise E-Commerce kahte hain. Kuch saalo pahle online shopping ka itna trend nahi tha, jitna ki aaj hai. Aaj hum koi bhi samaan ghar baithe order kar dete hain, jiski delivery humein humare ghar par kisi delivery boy ke through hoti hai. Aaj aisi bahot saari e-commerce websites hain, jo humein online shopping karne ki facility provide karti hain.

Advantages & Disadvantages of Internet:-

Internet ke advantages & disadvantages dono hain, jaha hum internet ke medium se ghar baithe shopping, bill payment, chatting, online entertainment aur online study kar sakte hain wahi iske bahot saare disadvantages bhi hain, jaise iska use bahot zyada karne se ankhon par bad effect padta hai, virus aane ki problem hoti hai aur bahot saare aise hackers hote hain, jo aapka personal data hack kar lete hain.

Advantages: 

Internet ka use karne waale agar chaahe to wo life mein bahot kuch paa sakte hain, kyonki ye ek aisa source hai, jo humein har tarha ki facility provide karta hai. Iske advantages is prakaar hain—

1. Internet ka zyadatar use aajkal social networking, online information, education aur entertainment mein hota hai.

2. Internet ka use karke hum koi bhi message kisi bhi App ke through jaise – WhatsApp, Facebook, Twitter, Instagram, Hike etc. ke medium se kisi ko bhi send kar sakte hain.

3. Internet ki wajah se hi aajkal e-commerce sites bahot hi zyada use ki ja  rahi hain.

4. Iske medium se hi hum ghar baithe online paise bhi kama sakte hain e.g:- Blogging karke, YouTube Channel create karke etc.

5. Iski wajah se hum face to face baat bhi kar sakte hain, jise aajkal ‘video call’ ke naam se jaana jata hai.

6. Internet ka sabse bada fayeda ye hai ki isse time ki bachat hoti hai aur humein saare question ke answer easily mil jaate hain.

Disadvantages: 

Jaise har cheez ke fayede aur nuksaan dono hote hain, waise hi Internet ke bhi fayede aur nuksaan dono hain. Agar aap is digital world mein apni life ko sahi tarike se chalana chahte hain to aapko kayi saari baton ka dhyan rakhna hoga, jo is prakaar hain—

1. Internet ka sabse bada disadvantage iski buri lat hai, agar ye aapko lag jaati hai to aap saara time isi ke piche bhagoge, jisse aapka time to kharab hoga hi saath hi saath eyes aur mind par bhi iska bad effect padta hai.

2. Internet ke zariye hi koi bhi virus badi hi asaani se aapke computer mein ghus jaata hai, jisse system slow ho jaata hai aur saare data ko delete bhi kar sakta hai.

3. Ismein koi bhi kisi bhi type ki information ko share kar deta hai, chaahe wo sahi ho ya ghalat, jiski wajah se logon tak ghalat information pahonchti hai.

4. Internet ke medium se hi bade-bade hackers kisi ka bhi personal data hack kar sakte hain.

5. Internet mein bahot saari pornography sites hoti hain, jismein bahot saari ashleel videos aur images hoti hain, jiska baccho par bad effect padta hai.

6. Internet ke through hi ghalat video (mms) bahot hi tezi se logon tak pahonch jaata hai.

7. Internet jitna  logon ke liye useful hai, utna hi harmful bhi hai. Iske use se jaha ek taraf logon ka time bachta hai, wahi dusri taraf isse time bhi barbad hota hai.

Insaan ki life  mein har cheez ka ek sahi time hota hai, jaise khane ka, sone  ka, jagne ka. Jis tarha zyada ya kam khane se logon ko nuksaan hota hai, jaise zyada ya kam sone se logon ko different type ki bimariya ho jati  hain, usi tarha se Internet bhi hai. Iska use had se zyada karne par iska logon par bura asar padta hai. Iski lat sharab ki tarha hoti hai, jo  ek baar lagne par jaldi chhutti nahi. Main ye nahi kah rahi ki iski aadat buri hai, balki mera aur bade-bade researchers ka ye kahna hai ki, jis tarha hum apni life me har kaam ko time to time karte hain, usi tarha Internet ka use bhi humein ek limitation mein hi karna chahiye, jisse ki ye humare liye harmful na bankar useful bane.

Mujhe ummeed hai doston Internet in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko  chahiye computer se related to aap mujhe comment kar sakte hain, main puri koshish karungi apki help karne ki…..Thanks!