Hello friends, kaise hain aap sab? I hope aap sab acche honge. Aaj main apse CCC ke topic par baat karne waali hun, jiske bare mein aaj har ek person jaanna chahta hai ki CCC kya hai? Iske advantages kya hain? Ye kaise aur kaha se karein? Iska syllabus kya hai? Iski puri information aaj main apko is post mein bahot hi easy language mein dene waali hun. I hope ye apke liye useful hogi.
What is CCC Computer Course? :
CCC ka full form Course on Computer Concepts hai. Sabhi government jobs ke liye ye course compulsory hogaya hai, isliye aaj har ek person is course ko karna chahta hai, jisse ki use basic computer ki acche se knowledge ho jaaye, kyonki aajkal har field mein computer ki requirement hai, chaahe wo government sector ho ya private har jagah computer ka use ho raha hai. CCC course NIELIT (National Institute of Electronics & Information Technology) ke through karaya jaata hai, jisne is course ko compulsory kar diya hai.
CCC karne waale zyadatar students ko ye confusion rahti hai ki ye course wo DOEACC se karein ya NIELIT ke through? Mujhse bhi usually log yahi question karte hain, to aaj main unko ye batana chahti hun ki CCC computer Course pahle DOEACC dwara karaya jaata tha, lekin baad mein ye course NIELIT ke through karaya jaata hai, isliye aap bina confusion ke is course ko NIELIT ke liye apply kar sakte hain.
Main niche un states ke bare mein bata rahi hun, jinhone state government ke different offices mein job ke liye CCC ko compulsory kar diya hai. Wo is prakaar hain—
1. UP (Uttar Pradesh)
2. Maharashtra
3. Arunachal Pradesh
4. Gujarat etc.
Aap jis state ke hain, waha aap ye dekh sakte hain ki CCC computer course different recruitment (vibhinn bhartiyo) ke liye compulsory hai ya nahi.
Advantages of CCC Computer Course:
CCC karne ka sabse bada fayeda ye hai ki apko basic computer ki acchi knowledge ho jaati hai. Agar apko computer bilkul bhi nahi aata to, apko sabse pahle CCC karna chahiye, jisse ki aap computer ki basic chizein jaise- Paint, Microsoft Office ke features ka use, Computer ki History, Internet Access karna, Email send karna etc. ki bahot kam time aur kam paison mein acchi knowledge mil jaati hai. Jise karne ke baad aap kahi bhi job ke liye apply kar sakte hain, chaahe wo government sector ho ya private.
How to do CCC Computer Course (Kaise karein CCC)?:
CCC exam NIELIT ke through har month ke first Saturday ko hota hai. Ye course 80 hours ka hota hai. Iske liye apki qualification 10+2 (Intermediate) From any Recognized Board of India hai. Yaani apko CCC karne ke liye Intermediate hona compulsory hai.
CCC course karne ka jo pahla tarika hai usmein apko CCC ki website par jaakar online form fill karna hota hai aur self study karke online exam dena hota hai. Agar aap computer ki acchi knowledge rakhte hain aur CCC ke certificate ko paane ke liye hi ye exam dena chahte hain to ye option aapke liye best hai. Ismein apka time aur paise dono ki bachat hoti hai. Iske liye apko NIELIT ki website student.nielit.gov.in par jakar CCC ke liye Online Registration form fill karna hota hai aur 590 Rs. exam fees deni hoti hai.
Ab hum baat karte hain dusre tarike se CCC course karne ki. Ismein hum kisi institute ke through CCC computer course karte hain, yahan 590 Rs. exam fees ke saath- saath wo exam preparation fees bhi lete hain, jismein- Regular classes & practicals, books etc. aati hain. Is tarha se apni facility ke anusaar har institute ki different-different fees ho sakti hai. Ye option freshers ke liye bahot hi accha hai, jinhein computer ki bilkul bhi knowledge nahi hai.
Process of CCC Exam:
CCC exam online computer par karaya jaata hai, jiske liye apko ek admit card milta hai. Us admit card mein apka Roll No. aur exam center ka Address hota hai. Us exam center par apko apna admit card lekar pahonchna hota hai, wahan apko ek computer diya jaata hai, jo Internet se connect hota hai. Us computer mein apko apna Roll No. enter karke login hona hota hai. Computer mein login hote hi apke screen par multiple choice question aane lagte hain, jinka apko answer dena hota hai. Is exam mein 100 multiple choice questions hote hain. Apko pass hone ke liye kam se kam 50 questions ke correct answer dene hote hain.
Is exam mein pass hone par apko Grade milta hai e.g:- Agar aap 50-54 number laate hain to apka Grade D hoga, agar apko 55-64 number milte hain to apka Grade C hoga, 65-74 par B Grade, 75-84 par A Grade milta hai aur 85 ya usse zyada number laane par apko S Grade milta hai, jo ki best Grade hai.
Syllabus of CCC:
CCC ka syllabus is type se prepare kiya gaya hai, jisse ki har koi easily iski preparation kar sake. CCC ke andar ye saari chizein aati hain—
1. Introduction to Computer
2. Introduction to GUI Operating System
3. Details of Microsoft Word
4. Microsoft Excel
5. Microsoft PowerPoint
6. Computer Communication, Internet, WWW & Web Browsers
7. Basic Finance
Isi syllabus se CCC exam mein 100 questions puche jaate hain. Iske alawa agar aap kisi book shop se CCC ki book lete hain to aapko usmein CCC ke syllabus ke saath hi pichhle saal ke question papers bhi milte hain, jinki help se aap CCC computer course ki preparation bahot hi acche se kar sakte hain.
Mujhe ummeed hai doston CCC in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko chahiye computer se related to aap mujhe comment kar sakte hain, main puri koshish karungi apki help karne ki…..Thanks!
Check here for all latest updates for CCC Admit Card like when it comes and how to download it.
ReplyDeleteCCC Admit Card 2018