Computer Virus Kya Hai? Isse Compuer Ko Kaise Bachaye

Hello friends, Aaj main phir ek naye topic ke saath aapke saamne hun, aaj ka humara topic hai Computer Virus. Virus ek aisa topic hai jiske bare mein har koi jaanta hai. Har wo insaan jo computer aur mobile ka use karta hai, usne kabhi na kabhi virus ka naam zarur suna hoga, lekin kya aap puri tarha se jaante hain ki virus hai kya? Ise kisne banaya? Ye humein kis-kis tarha se nuksaan pahoncha sakta hai ya pahoncha raha hai? Computer aur mobile mein virus aane par isse kaise bacha jaaye? Iski puri detail aaj main aapko is post mein dene wali hun.

What is Virus (Virus kya hai)?:- 

Virus ka full form Vital Information Resources Under Seize hai. Computer virus programmers dwara banaya gaya  ek software program hota hai, jise janbujhkar dusron ke computer ke kaam ko bigaadne ke liye banaya jaata hai. Virus koi natural cheez nahi hai, ye human dwara hi banaya gaya program hai. Jis tarah hum computer mein alag alag tarha ke kaam ko karne ke liye alag alag software ka use karte hain, jisse ki humara kaam acche se ho sake, usi tarha virus bhi ek software program hai, jo ki computer ke saare software ke opposite kaam karta hai. Ye computer mein hone waale kaam ko kharab karta hai.

Computer Virus ko sabse pahle 1982 mein Rich Skrenta ne banaya tha.

Types of Computer Virus:- 

Aaj kal bahot saare aise virus hain, jo computer ko alag alag tarah se infect karte hain. Yaha main aapko virus ke 7 types ke bare mein bata rahi hun—

1. Boot Sector Virus: Boot sector virus computer ki storage device mein store hota hai. Jab computer ko start kiya jaata hai to ye computer ke operating system mein load hokar isko start nahi hone deta aur agar ye kisi tarha se start ho bhi jaata hai to ye computer mein hone waale baaki kaamo ko nuksaan pahonchata hai.

2. Macro Virus: Ye ek aisa virus hai, jo computer ki files jaise- document, spreadsheet etc. ko nuksaan pahonchata hai. Is type ke software sirf Micro Software Office ki files ko infect karte hain.

3. File Virus: File virus computer ki .exe files ko infect karte hain, isliye inhe file virus kaha jaata hai.

4. Stealth Virus: Stealth virus ka matlab hi hai chhupe hue virus. Is type ke virus computer mein chhupkar computer ko nuksaan pahonchate hain.

5. Partition Table Virus: Is type ke virus Hard Disk ke partition table ko nuksaan pahonchate hain. Ye computer ke data ko nuksaan na pahonchakar hard disk ke master boot record ko infect karte hain.

6. E-mail Virus: Ye virus e-mail ke through ek computer se dusre computer mein bahot hi asaani se spread ho jaate hain.

7. Ransomware: Ransomware ek malware hai, jo user ke liye system aur system mein save files ke access ko rok deta hai aur inke access ke liye user se paise mangta hai.

How to Spread Virus (Virus kaise Phailta hai)?:- 

Computer mein virus aane ke kayi reason hain. Kabhi kabhi to aisa hota hai ki humare computer mein virus ajaate hain aur humein pata bhi nahi chalta. Yaha main kuch tarike aapko batane jaa rahi hun, jisse computer mein virus bahot hi asaani se enter karta hai—

1. Through Secondary Storage Device (Secondary Storage Device se): Jab kisi secondary storage device ko computer main install karke data ko copy kiya jaata hai to us data ke saath virus bhi computer mein copy ho jaata hai aur computer mein store data aur file ko infect karta hai.

2. Through Network System (Network System ke dwara): Jab ek computer ko ek se zyada computer se joda jaata hai, jisse ki data ka transmission easily ho sake, to aise network se virus bhi ek computer se dusre computer mein asaani se spread ho jaata hai.

3. Through Internet (Internet ke dwara): Computer mein virus aane ka sabse bada reason Internet hai. Internet ka use karke hi aaj har person computer ya mobile mein movie, image, video, Audio etc. download karta hai, jiske saath hi virus bhi computer mein asaani se download hokar pure system mein phail jaata hai. Iske alawa Illegal software  ka use karne se bhi computer mein virus aa jaata hai.

Symptom of Virus (Virus ke Lakshan):- 

Humara computer virus se infected hai, iska pata humein kuch is tarha se chalta hai—

(i) Computer mein virus aane par humara computer slow ho jaata hai, jiski wajah se koi bhi software ya webpage open hone mein time lagta hai.

(ii) Jab computer mein virus hota hai to computer hang yaani ruk rukkar chalne lagta hai.

(iii) Computer mein virus aane ki wajah se kabhi-kabhi desktop par aise icon ban jaate hain, jinko humne banaya hi nahi hota aur na hi  wo kisi software ko install karne par bante hain.

(iv) Virus ki wajah se computer mein kuch folder aur file khud se hi create ho jaate hain, jinhe hum banate bhi nahi aur na hi ye kisi software ke install karne par bante hain. Aur inhe delete karne par bhi kuch time baad ye phir wapas ajaate hain.

(v) Virus ki wajah se browser ka home page automatically change ho jaata hai aur browser open karte hi ek ke baad ek pop-up-windows open hone lagti hain.

• What is Computer in hindi
• Input Aur Output Devices Kya Hai
• Operating System Kya Hai
• Computer Network Kya Hai
• Computer Memory Kya Hai
• Internet Kya Hai? Puri Jankari

How to protect Computer from Virus (Virus se computer ko kaise bachaye)?:

(i) Computer ko virus se bachane ke liye computer mein ek acche Antivirus ka use karein.

(ii) Computer mein koi bhi secondary storage device jaise- CD, DVD, Pen Drive etc. Ko install karne ke baad use Antivirus se scan karlein, tab jakar use open karein.

(iii) Kisi bhi aise E-mail Id ko open nahi karna chahiye, jise aap jaante na ho.

(iv) Humesha original software ka hi use karna chahiye aur use time to time update rakhna chahiye, jisse virus ka khatra nahi rahta.

Anti-Virus:- 

Antivirus bhi ek software program hote hain, jinhe programmer dwara hi banaya jaata hai. Antivirus ka use computer se virus ko remove karne ke liye kiya jaata hai. Antivirus ek aisa program hota hai, jiske paas sabhi virus ke naam ki list hoti hai. Agar koi bhi virus computer mein enter karne ki koshish karta hai to Antivirus use us naam ki list ke dwara dhundkar delete kar deta hai. Isliye humein apne computer mein Antivirus zarur install krna chahiye, jo humein market mein easily mil jaate hain, iske alawa hum Antivirus ko online bhi kharid sakte hain aur Antivirus ka trial version bhi use sakte hain, jo user ke liye Internet par bilkul free milta hai. Free Antivirus ke liye → Free Antivirus par click karke aap Antivirus ko free mein download karke computer mein install kar sakte hain. Antivirus ko regular update karna chahiye, jisse ki new virus ke aane par us virus ke naam ki list Antivirus tak pahonch jaaye.

Conclusion:- 

Computer virus ek aisa program hota hai jo ki bahot expert logon dwara banaya jaata hai. Computer virus ko banane ka main purpose logon ka personal data churane, paise banane, logo ko pareshaan karne etc. ke liye hota hai. Isliye meri aaj ki ye post un sabhi logon ko alert karne ke liye hai, jo computer aur mobile ka bahot zyada use karte hain. Unse meri ye request hai ki aap apne computer aur mobile mein Antivirus zarur install karein, kyonki virus ek aisa khatarnaak software program hota hai, jo aapko is tarha ka nuksaan pahoncha sakta hai ki aap soch bhi nahi sakte.

Mujhe ummeed hai doston Virus in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko  chahiye computer se related to aap mujhe comment kar sakte hain, main puri koshish karungi apki help karne ki…..Thanks!