Language Translator Kya Hai?

Programming Language Translator aise Software hote hain, jo programming language mein likhe gaye programs ka translation bina code ko change kiye hue machine language mein karte hain.

Jaisa ki hum sabhi jaante hain ki computer sirf machine language ko hi samajhta hai, jo ki 0 & 1 ke form mein hoti hai, jise binary number kahte hain, isliye different type ki programming languages ko machine language mein translate karne ke liye user different type ke translators ka use karta hai.

Programming Language Kya Hai

Aise software jo kisi computer language mein likhe program ko machine language mein translate karne ka kaam karte hain Translators kahlate hain. Computer language ko machine language mein translate karne ke liye 3 types ke language translators available hain—

(1) Assembler

(2) Interpreter

(3) Compiler

(1) Assembler: 

Aise software jo Assembly language mein likhe source program ko machine language mein translate karte hain, Assembler kahlate hain.

Assembler computer ka wo program hota hai, jo Assembly language likhe gaye code, jaise- Mnemonic code ko machine language mein yaani binary code mein change kar deta hai, jo ki computer dwara samjhi jaati hai.

(2) Interpreter: 

Interpreter ek special type ka translator program hai, jiska use high level language ko machine language mein translate karne ke liye hota hai. Ye high level language mein likhe program ke instruction ko ek-ek karke translate karta hai aur phir uska execution karta hai. Program ke ek block ka execution complete karne ke baad ye program ke dusre block par kaam karta hai aur usko machine language mein translate karta hai aur uska execution karta hai. Ye process tab tak chalta hai, jab tak program complete nahi hota. Is process ke beech mein agar kisi instruction mein koi error aa jaati hai, to ye program ka translation aur execution wahi rok deta hai aur programmer ko pahle us error ke bare mein alert kar deta hai, jisse ki wo us error ko dur kar de. Aur ye tab tak aagey nahi badhta jab tak ki programmer us error ko remove na kar de.

(3) Compiler: 

Ye ek bahot hi important translator program hai. Ye bhi high level language ko machine language mein change karne ka kaam karta hai. Lekin interpreter ki tarha ye program ke ek-ek instruction ko translate aur execute na karke, complete program ko ek hi bar mein machine language mein translate kar deta hai. Agar program mein kahin koi error aa jaati hai to ye program mein aayi hui error ki ek list prepare karke use programmer ko show kar deta hai, jisse ki programmer un errors ko remove kar sake. Translation-process ke medium se jab source program ko object program mein change kiya jaata hai to us object program ko Object File kaha jaata hai.

Related informations:

• Hardware Aur Software Kya Hai
• Computer Ke Internal Structure Kya Hai
• Input Aur Output Devices Kya Hai
• Computer Memory Kya Hai
• Operating System Kya Hai

Mujhe ummeed hai doston Translators in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko  chahiye computer se related to aap mujhe comment kar sakte hain, main puri koshish karungi apki help karne ki…..Thanks!