Wednesday, 2 January 2019

MCA Course Kya Hai?

Hello friends kaise hain aap sab? Main puri ummeed karti hun ki aap sab acche honge. To aiye ab hum baat karte hain humare aaj ke topic par jo ki ‘MCA Course’ hai. Ji haan doston is post mein hum MCA ki puri jankari paane wale hain. Jaise ki MCA kya hai ? MCA Course karne ke fayede kya kya hain, MCA Course kab kar sakte hain, MCA ke liye Shaikshik yogyeta, MCA ke liye Univesity, MCA ka Syllabus, MCA ki fees, MCA ke baad Jobs etc.

Jaisa ki hum sabhi jante hain ki aaj ka jo time hai wo computer ka hai. Aaj har vyakti computer ki field mein apna career banana chahta hai. Agar aap bhi yahi chahte hain ki aap bhi computer field mein aagey badhe aur apna career banayein to MCA Course aapke liye ek bahot hi accha option hai. To chaliye isi ke sath aagey badhte hain aur jante hain MCA Computer Course ki puri jankari in hindi.

MCA kya hai (What is MCA in hindi)? :-

MCA ek 3 years ka Post Graduation level ka Degree Course hai. MCA ka full form Master of Computer Application hai. Ye course Computer Software, Computer Application aur Programming Language se related hota hai. MCA course un students ke liye ek accha option hai jo students apna career Software Engineering, Banking etc. field mein banana chahte hain. MCA course har university mein available hota hai. Aap apni facility ke anusaar ise kisi bhi university ya college se kar sakte hain.

MCA Course karne ke fayede (Advantages of MCA Course in hindi) :-

(1) MCA karne ke baad aap bahot acchi acchi government aur private job paa sakte hain. Iske alawa agar aap chahein to khud ka Computer Institute bhi khol sakte hain.

(2) MCA course karne ke baad aapko badi badi companies mein Software Engineer ki job mil sakti hai.

(3) MCA degree milne ke baad aap India ya foreign country ki kisi bhi IT company mein job kar sakte hain.

(4) Is course ko karne ka fayeda ye hai ki aap agar chahein to Software Developer bhi ban sakte hain.

(5) MCA karne ke baad aapko Banking field, Share Market, Networking, E-Commerce etc. field mein bhi asaani se job mil sakti hai.

MCA Course karne ke liye Shaikshik Yogyeta (Eligibility for MCA Course in hindi) :-

(1) Agar aap apna career computer field mein banana chahte hain to iske liye aapko 12^th se tayari karni hoti hai. 12^th mein aapka Mathematics ya Statistics subject hona compulsory hai.

(2) Iske alawa MCA mein admission lene ke liye aapka graduate hona zaruri hai. Aur graduation mein aapke paas BCA/ BSC (PCM)/ BSC (CS)/ BSC (IT) hona zaruri hai.

(3) MCA mein admission lene ke liye graduation mein aapka 50% marks hona chahiye.

(4) MCA mein admission ke liye government institutes mein entrance exams karaye jaate hain.

MCA Course kitne samay ka hota hai (Duration of MCA Course in hindi) :-

MCA ek 3 years ka computer course hai, jismein 6-6 month ke total 6 semesters hote hain.

MCA Course ki Fees (Fees of MCA Course in hindi) :-

Sabhi universities/colleges mein MCA ki fees alag alag hoti hai. Jo ki us university ya college ki facilities ke anusaar kam ya zyada ho sakti hai. Isliye jis bhi institute se aap MCA course karna chahte hain aap uski official site par jaakar course ki fees check kar sakte hain.

MCA Course ka Syllabus (Syllabus of MCA Course in hindi) :-

MCA mein kis tye ke subjects hote hain unke bare mein main aapko niche bata rahi hun –

(1) Semester 1 mein Mathematical foundation of Computer Science, Accounting and Financial Management, Computer and C programming jaise subjects hote hain.

(2) Semester 2 mein Data Structure, Computer Architecture etc. subjects hote hain.

(3) Semester 3, 4 aur 5 mein computer se related saare subjects hote hain. Semester 5 mein specialization ko bhi select karna padta hai.

(4) Semester 6 mein aapko ek Industrial Project tayar karna hota hai.

MCA Course karne ke liye Universities/Colleges (Universities/Colleges for MCA Course in hindi) :-

India mein MCA ke liye top colleges jo hain wo main niche bata rahi hun –

(1) Pune University

(2) J.N.U., New Delhi

(3) IIT Roorkee

(4) B.H.U.

(5) Birla Institute of Technology

(6) NIT Tamil Nadu

(7) Lovely Professional University, Punjab

(8) ITM University, Madhya Pradesh

(9) Motilal Nehru National Institute of Technology, Allahabad

MCA ke baad Job (Job Profile after MCA) :-

(1) Software Engineer

(2) Software Developer

(3) Software Programmer

(4) Software Application Architect

(5) System Analyst

(6) Project Manager

(7) Team Leader, IT etc.

Aaj is post mein aapko bahot hi asaan language mein MCA ki puri jankari mil gayi. Is post mein aapne jana What is MCA Course, Advantages of MCA, Eligibility, Duration, Fees, Syllabus, University, Jobs etc.

Mujhe ummeed hai doston What is MCA Course in hindi ki ye post apko pasand ayi hogi, aagey bhi main is tarha ki information apke liye share karti rahungi. Agar apko meri ye post acchi lagi ho to please like and subscribe karein aur koi bhi information apko chahiye computer se related to aap mujhe comment bhi kar sakte hain, main apki help karne ki puri koshish karungi…..Thanks!

Monday, 10 December 2018

Digital Locker Kya Hai? Iska Use Kyon Kare?

Hello friends, kaise hain aap sab? Main ummeed karti hun ki aap sab acche honge. To chaliye aaj hum baat karte hain ‘Digital Locker’ ki. Ji haan doston Digital Locker kya hai? Iska use kyon kiya jaata hai? Aaj main ye sab aapko is post mein batane waali hun.

Digital Locker Prime Minister Narendra Modi dwara July 2015 mein launch kiya gaya tha, jo ki Modi Ji ke Digital India Program ka hi important part hai.

Digital Locker ko hindi mein ‘Ankiye Tijori’ bhi kaha jaata hai. Iska use karke hum apne Passport, Birth Certificate, Educational Documents etc. ko online store kar sakte hain. Lekin is suvidha ka laabh uthane ke liye aapke paas Adhar Card hona bahot zaruri hai, kyonki ye facility sirf Indian Cityzens ke liye hi hai. Dusri country ke log iska use nahi kar sakte. Ispar account banane ke liye aapke paas Adhar Number hona zaruri hai.

Digital Locker ki sabse badi khasiyat ye hai ki ismein documents upload karne ke baad aapko kahi bhi apne documents ki copy lagani ho to aap wahan par kewal apne Digital Locker ka Link paste karke apna kaam asaani se kar sakte hain. Waha par aapko kaagazon ka use nahi karna padega. Is Digital Locker ke dwara aapko nakli documents ya documents mein kisi prakaar ki mistake ka khatra nahi hota aur iski wajah se koi bhi vyakti aapke sath dhokha nahi kar sakta.

Agar aap bhi apna Digital Locker open karna chahte hain to ye bahot hi asaani se open ho jayega. Iske liye bas aapko http://digitallocker.gov.in/ login karna hoga. Uske baad aapko ek Id banana hogi. Id banane ke baad aapko Adhar Card Number login karna hoga. Uske baad aapse kuch aise questions puche jayenge jo aapse related honge. Ab aapka account create ho jayega. Is prakaar aap apna khud ka Digital Locker banakar usmein apne documents ko humesha ke liye upload kar sakte hain.

Mujhe ummeed hai doston Digital Locker in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko chahiye computer se related to aap mujhe comment kar sakte hain, main puri koshish karungi apki help karne ki…..Thanks!

Friday, 7 December 2018

C Programming Language Kya Hai? Puri Jankari

Hello doston, main Zarnain Nisar, Zarnain Computer Knowledge mein ek bar phir se aapka welcome karti hun ! Aaj ki hamari is post mein hum janenge ki C language kya hai? C language ki history? C languge ke Features? C language middle aur low dono kaise hai? etc. Agar aap C ke bare mein bahot hi simple language mein puri jankari paana chahte hain to is post ko last tak padhein.

C Programming Language kya hai (What is C Programming Language)?:-

C ek bahot hi popular programming language hai, jise Middle Level Language bhi kaha jaata hai. C language ka use Application aur System Software create karne ke liye kiya jaata hai. C language Structured Programming ko support karti hai aur C language bahot hi old language hai, lekin iski efficiency, structure, better performance etc. ki wajah se aaj bhi is language ko use kiya jaata hai. Ise Procedured Oriented Programming Language bhi kaha jaata hai.

Ye to thi technical baatein jo maine aapko batayi, lekin simple language mein agar kahein to C language ka use user computer se communicate yaani baat cheet karne ke liye karta hai. Matlab jo kaam hum computer se karwana chahte hain, us kaam ko hum C language ke dwara program banakar usmein jo baatein hum computer se kahna chahte hain use program mein rule wise likh dete hain, us program mein likhi gayi baatein hi Instruction kahlati hain, jinhein computer samajh paata hai aur user dwara diye gaye kaam ko complete karta hai. Computer ko instruction dene ke liye bhi C programming mein kuch rules ko follow karna hota hai, jo ki Syntax Rule kahlate hain.

C Programming ka itihaas (History of C Programming Language):-

C programming language ko sabse pahle Martin Richards ne 1966 mein BCPL (Basic Combined Programming Language) ke naam se banaya tha. Kuch time baad Ken Thompson ne Basic Unix Operating System ko banaya.

Uske baad finally Dennis Richie ne 1992 mein Bell Laboratory mein B language par aur kaam kiya aur use aur zyada develop karne ke baad uska naam C language rakha gaya. C language ko banane ke baad Dennis Richie aur Ken Thompson ne sath milkar Unix Operating System ka development kiya.

C Programming Language ki visheshtayein (Features of C Programming Language):-

C language ke features ke kaaran hi aaj is language ne apni ek alag jagah banakar rakhi hai. To aiye aagey badhte hain aur jante hain C Language ke Features –

(1) C ek aisi language hai, jiske dwara Application aur System software dono develop kiya jaa sakta hai.

(2) C language ke code ko seekhna easy hota hai kyonki ye simple English language mein hi hote hain.

(3) C ek case sensitive language hai, jisme kisi letter ka small ya capital variables ko alag alag maana jata hai.

(4) C program ko hum different-different machine par execute kar sakte hain, lekin ye language platform independent nahi hai.

(5) Assembly language ke baad C ko sabse fast language maana jaata hai. Iska compilation aur execution fast hota hai.

(6) C mein hum kisi program ko chote-chote module mein divide kar sakte hain, jo ki Function kahlata hai. Kisi bhi program ko module mein divide karne se program ko manage aur debug karna easy hota hai.

(7) Ismein new features add karna easy hota hai, jismein user apne khud ke banaye hue Function ko bhi add kar sakta hai.

(8) C language mein humein bahot saare in-built Function yani pahle se bane banaye Function bhi mil jaate hain, jinki help se hum program ko jaldi bana paate hain.

C Programming Language Middle aur Low dono kaise hai (How C Programming Language Middle and Low Both)?:-

C ek bahot hi useful language hai. Ye language High Level aur Low Level Application Software dono bana sakti hai. C ek aisi language hai, jiska use low level language ki programming karne ke liye bhi kiya jaata hai, jismein System Application create ki jaati hai. Sath hi ye High Level Language ko bhi support karti hai.

C Programming Language ko thik se seekhna kyon zaruri hai (Why C Programming Language is Important)?:-

Aaj ke time mein bahot saari programming languages ka development ho raha hai aur kayi aisi languages hain jo chalan se bahar bhi hoti jaa rahi hain. Wahi C ek aisi language hai, jisne apni jagah ko banakar rakha hai. C language ko lagbhag har degree level ke course mein sabse pahle padhaya jaata hai, jaise – MCA, PGDCA, O Level, B.Tech, BCA etc. Har course mein C language ko sabse pahle isliye padhaya jaata hai, kyonki agar hum C language ko seekh lete hain to koi bhi programming language seekhna humare liye easy ho jaata hai, wo isliye kyonki C language mein jo Keyword, Syntax use hote hain, wo hi milte julte other programming languages mein bhi use hote hain.

Is post mein humne bahot hi asaan language mein C language ke bare mein jaana. Agar aap aagey bhi is tarha ki post ko padhna chahte hain to humse jude rahein.

Mujhe ummeed hai doston C Programming Language in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko chahiye computer se related to aap mujhe comment kar sakte hain, main puri koshish karungi apki help karne ki…..Thanks!

Thursday, 1 November 2018

PGDCA Kya Hai

Hello friends, welcome to Zarnain Computer Knowledge. Aaj hum jis topic par bat karne wale hain wo hai PGDCA. Ji haan doston, jaisa ki hum sabhi ko pata hai ki aaj ka daur computer ka hai. Aaj har vyakti computer field mein aage badhna chahta hai, kyonki sabko pata hai ki aaj har kaam computer par hi kiya jaata hai. Isliye meri aaj ki post unhi logon ke liye hai jo graduate ho chuke hain aur computer sikhna chahte hain. Is post me hum janenge PGDCA kya hai ? PGDCA krne ke fayede ? PGDCA kitne samay ka hota hai ? PGDCA ka Syllabus ? PGDCA ki Fees ? PGDCA kab join kr sakte hai ? PGDCA kahan se kare ? PGDCA ke baad Job etc.

What is PGDCA (PGDCA kya hai)?:

PGDCA ka full form Post Graduate Diploma in Computer Application hai. PGDCA ek Computer Diploma hai, jise Graduation ke baad kar sakte hain. Graduation karne ke baad agar aap apna career banana chahte hain to ye course apke liye bahut hi accha hai . Aapne chahe kisi bhi subject se graduation kiya ho, aap is course ko kar sakte hain. Bas apki English acchi honi chahiye, kyunki iska total syllabus English me hota hai. PGDCA karne ke baad kahin bhi job ke liye aapse computer diploma manga jata hai to aap iska certificate laga sakte hain. PGDCA karne ke baad aapko computer operate karna bahut acche se ajata hai.

Advantages of PGDCA Course (PGDCA course karne ke fayede)?:

Waise to insaan jo bhi padhai karta hai, jis prakaar ka bhi gyan prapt karta hai, usse use fayeda hi milta hai. Usi prakar PGDCA karne ke bhi bahut se advantages hain, jo mai niche bata rhi hun-

1. PGDCA karne ke baad apko MBA aur MCA me direct admission mil jata hai.

2. Computer ki basic knowledge to milti hi hai sath hi ise karne se apko programming aur web development jaisi chizein bhi seekhne ko mil jati hain.

3. PGDCA karne ke baad kuch universities me aapko MCA ke 3^rdsemester me admission mil jata hai.

4. Government aur private job ke liye PGDCA ek accha option hai.

5. PGDCA karne ke baad aap khud ka online business, coaching classes, computer center khol sakte hain.

6. PGDCA karne ke baad aapko computer ki acchi khaasi knowledge ho jati hai. Is knowledge ka use karke aap khud ka Blog bhi bana sakte hain, jo aapke career ke liye ek accha option hai.

When we can join PGDCA Course (PGDCA course kab karein)?:

PGDCA ek computer diploma hai, jise graduation se pahle kar hi nhi sakte. Aapne B.A., B.Com, BSc etc. kuch bhi kiya ho aap PGDCA me admission le sakte hain. Matlab PGDCA me admission lene ke liye aapka graduate hona zaruri hai.

Duration of PGDCA Course (PGDCA course kitne time ka hota hai)?:

PGDCA 1 saal (Year) ka computer course hota hai, jisme 6-6 mahine (Month) ke 2 semester hote hain.

Fees of PGDCA Course (PGDCA course ki fees):

PGDCA ki fees har university me alag-alag hoti hai. Ye lagbhag 12000 se lekar 35000 tak hoti hai.

Syllabus of PGDCA Course (PGDCA course ka syllabus)?:

PGDCA ka syllabus har university me alag-alag type se tayar kiya jata hai, lekin har university ka 90% syllabus same hi hota hai. PGDCA me padhaye jane wale course is prakar hain-

1. Computer Appreciation and Introduction to Operating System.

2. Office Automation.

3. Programming in ‘C` with Data Structure.

4. Financial Accounting with Tally.

5. Web Technology.

6. Database Management System (Oracle).

7. Data Communication and Networking.

8. Oop with Java Programming.

9. VB .Net.

10. MS PowerPoint Presentation.

11. Project.

University for PGDCA Course (PGDCA course karne ke liye university):

IGNU, Rabindranath Tagore University, Punjab National University, Sikkim Manipal University, Makhanlal Chaturvedi University se aap PGDCA kar sakte hain. Iske alawa bhi kayi colleges aur universities hain jo ye course karati hain.

Job Scope After PGDCA Course (PGDCA Course ke baad job)?:

PGDCA ke baad aap jis type ki job kar sakte hain, wo is prakar hain-

Computer Operator ki job.
Computer Teacher ki job.
Computer Software se related jobs.
Database Manager ki job etc. kar sakte hai.

Iske alawa bhi aap computer se sambandhit koi bhi job kar sakte hain, ya khud ka online business, coaching classes, computer institutes etc. khol sakte hain.

Is post me aapne jana PGDCA kya hota hai? aur isse judi saari baaten apko yahan par batayi gayi. Main ummeed karti hun ki hamesha ki tarha is baar bhi aapko meri ye post pasand aayi hogi. Agar aapko meri aaj ki ye post achhi lagi ho to ise apne friends ke sath share karna na bhulein.

Mujhe ummeed hai doston PGDCA in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko chahiye computer se related to aap mujhe comment kar sakte hain, main puri koshish karungi apki help karne ki…..Thanks!

Wednesday, 24 October 2018

Momo Challenge Kya Hota Hai?

Hello friends, welcome to Zarnain Computer Knowledge. Aaj main aapke samne ek aisa topic lekar aayi hun, jiske bare mein har ek person janna chahta hai, wo hai Memo Challenge. Ab aap ye soch rahe honge ki momo to hum aksar apne ghar mein banakar khate rahte hain, ismein naya kya hai? To main aapko bata dun ki ye momo us khane wale momo se bilkul alag hai. Ye ek aisa game ya challenge hai, jo bacchon ko nuksaan pahonchata hai, yaha tak ki unki jaan bhi le leta hai. To aaiye jaante hain, ye momo hai kya? Aur ye kis tarha se bacchon ki jaan le raha hai.

What is Momo (Momo kya hai)? :

Momo ek tarha ka Game hai, jismein bacchon ko kayi challenges diye jaate hain aur use pura na karne par us bacche ko jaan se marne ki dhamki di jaati hai ya darawni images aur videos ke zariye torture kiya jaata hai. Ye game bilkul Blue Whale game ki tarha hai. Usmein bhi isi tarha ke jaan lewa challenges diye jaate the aur mana karne par kisi apne ko nuksaan pahonchane ki dhamki di jaati thi. Ye to aap jaan gaye ki momo challenge kya hai aur kaise bacchon ki jaan leta hai? Ab ye jante hain ki ye bacchon tak pahonchta kaise hai? Aur kis tarha se bacchon ko apne jaal mein phansata hai?

How to Spreads Momo (Momo kaise phailta hai)? :

Ye momo WhatsApp messenger ke dwara badi hi asaani se bacchon tak pahonchta hai. WhatsApp par ek unknown number se message aata hai, naam puchne par wo apna naam Memo batata hai. Wo ek naya number deta hai aur use apne contact mein Memo naam se save karne ke liye kahta hai. Jaise hi bacche ise save karte hain, us number par ek darawni DP show karti hai, jismein ek darawni aurat dikhayi deti hai. Uska face light yellow color ka hota hai, ankhein badi-badi si aur bilkul gol, bikhre hue baal, jise dekhkar bacche dar jaate hain. Uske baad start hota hai Momo Challenge, jismein momo bacchon ko ajeeb-ajeeb si cheezein karne ko deta hai aur bacchon ke mana karne par ye unhein aur unke ghar walon ko jaan se maarne ki dhamki deta hai.

Ye momo challenge sabse pahle Argentina se shuru hua, jahan ek 12 saal ki bacchi ki death is game ki wajah se hui. Aur sunne mein ye bhi aaya hai ki ye game India tak pahonch gaya hai. Ye maamla Rajasthan ke Ajmer ka hai jahan par ek 10^th class ki bacchi ne suicide karli aur jab ghar walon ne uske mobile ko check kiya to usmein Momo Challenge paaya gaya.

How to Protect Your Children from Momo (Apne bacchon ko Momo se kaise bachayein)? :

Agar aap chahte hain ki aapke bacche is momo challenge ka shikaar na bane to unpar aapko khaas dhyan dena hoga aur wo bhi tab jab wo mobile aur laptop jaisi devices ka use karte hon. Aap unse humesha accha behavior banakar rakhiye jisske ki wo aapse apni saari baatein share karein. Kyonki bacchon ka mind bahot hi naazuk hota hai, wo puri tarha se develop nahi rahta. Yahi wajah hai ki momo badon ki bajaye bacchon ko apna victim banata hai. Aapke bacchon ko aapke siva koi nahi protect kar sakta, isliye aap bas unki care karein aur unki feelings ko samjhein.

Is post mein humne Momo challenge ko detail mein jaana ki ye hai kya? Isse jaan kaise jaati hai? Aur isse bachne ka tarika. Agar aap chahte hain ki dusre log bhi iske bare mein jaane to ise share karna na bhulein.

Mujhe ummeed hai doston Momo in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko chahiye computer se related to aap mujhe comment kar sakte hain, main puri koshish karungi apki help karne ki…..Thanks!

Wednesday, 17 October 2018

Gmail Signup Kaise Karein? Puri Jankari

Hello doston, main Zarnain Nisar ek bar phir aapke samne ek naya topic lekar aayi hun, jiska naam hai Gmail Signup. Aaj hum janenge ki Gmail hota kya hai ? Aur ispar signup kaise karte hain ? Lekin usse pahle main aapse maafi chahungi ki kaafi time se main aapke liye post nahi likh payi aur wo isliye kyonki maine gyanapp.in ke liye bhi content likhna start kiya hai, isliye main khud ke blog par post update nahi kar payi. Lekin ab main puri koshish karungi ki regular apne blog aur gyanapp.in dono ke liye post likhun. To chaliye ab hum baat karte hain humare aaj ke topic par jo ki Gmail Signup hai.

What is Gmail Signup (Gmail Signup kya hai)?:-

Gmail ek Email ki service hai, jiska use karke hum kisi ko bhi Electronic Mail (Email) bhej sakte hain. Lekin gmail ka istemal hum tabhi kar sakte hain, jab hum ispar Login honge. Ab aap soch rahe honge ki abhi tak Signup nahi samajh aaya aur ye Login ki baat kar rahi hain. To pareshan hone ki zarurat nahi hai in dono mein fark ye hota hai ki jab hum gmail par signup karte hain to us signup ke dwara humara ek Id aur Password generate hota hai, jisse hum gmail par login hokar kisi ko bhi email bhej sakte hain.

Gmail Signup karna koi mushkil kaam nahi hai, ye bahot hi asaan hai. Ispar koi bhi apna account bana sakta hai. Ispar signup karne ke liye aapko sirf ek form fill karna hota hai, jismein aapko apni saari original details bharni hoti hain. Jaise- Name, Surname, Date of Birth, Gender etc. Is process ko aap Registration bhi kah sakte hain. Aap kahin par bhi bina signup kare login nahi kar sakte. Chaahe wo gmail ho ya other social sites like Facebook etc. Ye to hum jaan gaye ki Gmail Signup aur Login hota kya hai? Ab hum Gmail par Signup karna sikhenge.

How to Create Gmail Account (Gmail Signup kaise karte hain) ?:-

Aaj ke time mein Email Id har ek ki zarurat ban gayi hai, bina iske koi bhi Online kaam ho paana mushkil hai. Chaahe wo Job se related ho ya kisi Application ka use karna ho har cheez ke liye Email Id ki zarurat padti hai. Isse humara kaam bahot hi easy ho jaata hai. To chaliye ab hum neeche bataye gaye steps ko follow karke Gmail Signup karte hain-

Step-1:

Gmail Id banane ke liye aapke paas 3 cheezon ka hona bahot zaruri hai-

(1) Mobile Number

(2) Mobile/Computer

(3) Internet

Step-2:

Ab aapko Google ki official website www.gmail.com par jaana hoga, phir Create aacount par click karna hoga.

Step-3:

Ab ek new page open hoga, yaha par apni sabhi original details bharni hai. Jaise- First name, Last name. First name mein apna naam aur Last name mein apna surname dalna hai.

Step-4:

Choose your username mein aap wo naam dalenge, jo email id ke roop mein use hoga. Jaise – ashutoshsingh, ashutosh99, ashutosh799 etc.. aapko yaha par unique name dalna hai jo kisi dusre ka na ho.

Step-5:

Create a password aapko wo password dalna hai, jo aap yaad rakh sakein.

Step-6:

Confirm your password mein phir se wahi password dalna hai.

Step-7:

Birthday mein aapko apni Date of Birth dalni hai.

Step-8:

Gender ke option mein aapko Male (boy) ya Female (girl) dalna hoga.

Step-9:

Mobile phone mein aapko wo phone number enter karna hai, jisse aap apna account bana rahe hain.

Step-10:

Your current email address mein agar pahle se hi koi email id hai to daal sakte hain, nahi to ise khaali rahne dijiye.

Step-11:

Location mein aapko India select karna hai aur Next step par click kar dena hai.

Step-12:

Jaise hi aap next par click karenge, aapke saamne ek pop-up open hoga, jismein privacy policy hogi. Ise padhkar “I Agree” par click karna hai.

Step-13:

Agree karte hi aapke samne Welcome ka page open hoga, jismein aapko aapki email id dikhayi degi (Jo ki is tarha ki hogi – ashutoshsingh@gmail.com). Ab neeche Continue ke button par click kariye.

Is tarha se aap badi hi asaani se apna Gmail account create kar sakte hain. Agar ye post aapko useful lagi ho to ise apne friends ke sath share karna na bhulein.

Mujhe ummeed hai doston Gmail Signup in hindi ki ye post apko pasand ayi hogi, aagey bhi main isi tarha ki information apke liye share karti rahungi. Agar apko meri ye post pasand ayi ho to please like and subscribe karein aur koi bhi information apko chahiye computer se related to aap mujhe comment kar sakte hain, main puri koshish karungi apki help karne ki…..Thanks!

Pages